Investitorët përfitojnë nga ligji, OKB: Shqipëria ka numrin më të lartë në Europë të çështjeve në arbitrazh
Shqipëria është një ndër 109 vendet që mbron me ligj investitorët e huaj. Ky ligj duket se i`a ka arritur më së miri qëllimit.
Në përbërje të ligjit në fjalë përfshihen edhe klauzolat kur marrëveshja mes qeverisë shqiptare dhe një kompanie të huaj mund të shkojë deri në arbitrazh në rast mosdakordësish mes palëve.
Përfshirja e këtyre klauzolave në ligj bën që rastet e arbitrazhit të bien ndjeshëm në tërësi, në nivel global, thotë raporti më i fundit i Organizatës së Kombeve të Bashkuara për gjendjen e investimeve në botë.
Nga 6 raste arbitrazhi në vendin tonë, 4 prej tyre janë të bazuara në ligjin kombëtar për investime.
Paçka se në dukje, kjo shifër duket e ulët, Shqipëria klasifikohet mes vendeve me numrin më të lartë të rasteve, gjë që duket qartë edhe nga tabela e përfshirë në raport.
Madje, në pjesën dërrmuese këto raste janë me investitorin që ka çuar në arbitrazh qeverinë, duke marrë shtysë pikërisht nga ligji kombëtar, që mbron investitorin.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.