Investitori gjerman në pesimizëm – Indeksi ZEW bie në nivelin më të ulët në 6 vite prej tregtisë e Italisë
Humori i investitorëve gjermanë ka rënë në nivelin më të ulët në 6 vite, ndikuar nga konfliktet tregtare me Shtetet e Bashkuara dhe shqetësimet mbi rolin e Italisë në Eurozonë.
Treguesi i Institutit të hulumtimeve mbi ekonominë ZEW, ra në -16.1 në Qershor nga -8 që ishte në Maj, duke prekur nivelin më të ulët që prej Shtatorit 2012.
Liderët botërorë dhe institucionet ekonomike globale kanë paralajmëruar se politikat proteksioniste të presidentit Donald Trump, përfshirë vendosjen e tarifave penalizuese për çelikun dhe aluminin, po zbehin perspektivën e ekonomisë botërore.
Gjermania, si vendi eksportues kryesor i Europës ndaj Shteteve të Bashkuara, një marrëveshje që mban më shumë se 1 milionë gjermanë në punë, po përpiqet të shmangë luftën me Washingtonin.
“Përplasja e fundit me SHBA dhe shqetësimet e politikave të qeverisë së re italiane, kanë lënë gjurmët e tyre në perspektivën e Gjermanisë”, deklaron instituti. Trump befasoi aleatët e SHBA gjatë fundjavës së kaluar, ku u tërhoq nga komunikata e përbashkët e rënë dakord mes liderëve të Grupit të Shtatë në Kanada.
Sondazhi i ZEW është ndërmarrë në fund të muajit Maj, që nënkupton se shqetësimet mbi Italinë kanë qenë më të mëdha se sa mbi tregtinë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.