Iphone i ri dhe dilemat për ekranin – Çfarë ka vendosur Apple për dizajnin e celularëve që do hedhë në treg në vjeshtë
Këtë vjeshtë, iPhone do të ketë një dizajn tërësisht të ri.
Kjo është sipas raportit të fundit nga Bloomberg, i cili citon njerëz të njohur me planet e Apple.
Dizajni i ri do të rikrijojë iPad-et më të fundit të Apple, sipas raportit, me anët këndore dhe ekranet e sheshta – pak a shumë një rikthim në iPhone 4 dhe iPhone 5.
Përveç dizajnit të ri, Apple pritet të shtojë lidhje me 5G në telefonat e tij këtë vit- si dhe kamerën 3D LIDAR që u shtua në iPad Pro të këtij viti.
Me katër modele të reja iPhone që priten këtë vjeshtë, është e paqartë se cilat tipare do të ketë specifikisht çdo model, por zëvendësimet më të larta për iPhone 11 Pro dhe iPhone 11 Pro Max pritet të kenë gjithçka të re.
Të paktën një model – zëvendësimi për iPhone 11 Pro Max – pritet të marrë një ekran “pak më të madh” sesa ekrani 6.5 inç që ai tashmë ka. Apple thuhet gjithashtu se po bën përparim në zvogëlimin e ‘notch’ në pjesën e përparme të ekranit që aktualisht strehon altoparlantin e telefonit, kamerën e përparme dhe teknologjinë e Face ID.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.