“IPO” e shumëpritur e Saudi Aramco! Do shesë më pak se 1% të aksioneve. Oferta më e madhe në histori
Gjiganti shtetëror i naftës në Arabinë Saudite do të shesë 0.5% të aksioneve ndaj investitorëve individual, ç’ka do të jetë dhe Oferta Publike Fillestare më e madhe në histori.
Kompania më e madhe në botë e naftës publikoi një prospekt gjatë fundjavës, ku dha më shumë informacion mbi listimin e shumë pritur.
Saudi Aramco bëri të ditur se procesi do të nisë më 17 Nëntor dhe mbyllet më 4 Dhjetor. Çmimi përfundimtar i ofertës, si dhe numri e përqindja e aksioneve që do shiten, do të përcaktuan në fund të kësaj periudhe.
Oferta Publike Fillestare po nënshkruhet nga J.P Morgan, Goldman Sachs, Citigroup dhe Morgan Stanley.
Aramco bëri të ditur javën e kaluar se planifikon të listojë aksionet në bursën e Arabisë Saudite në Dhjetor. Vlerësimet e analistëve për kompaninë flasin për 1.2 trilionë deri në 2.3 trilionë dollarë.
Për krahasim, rivali më i afërt i Aramco, Exxon Mobil, ka një vlerë totale në treg prej 300 miliardë dollarë dhe Chevron vlerësohet në 229 miliardë dollarë.
Kjo ofertë është përkrahur nga qeveria e Arabisë Saudite për herë të parë në 2016-ën dhe është përballur me vonesa që prej atëherë. Analistë thonë se kjo ka ndodhur prej shqetësimeve se financat do të mund të shqyrtohen nga publiku.
Sulmet me dron në fabrikat e naftës në Shtator, ngritën gjithashtu dyshime mbi listimin e kompanisë. Saudi Aramco ka paralajmëruar se sulmet terroriste mud të ndikojnë vlerën në treg të aksioneve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.