Irani ekzekuton spiunin që sipas tyre kishte ndihmuar në vrasjes e udhëheqësit të Gardës Revolucionare
Irani ka ekzekutuar një njeri për të cilin pretendon se po spiunonte si për SHBA ashtu dhe për Izraelin, dhe i cili spiunoi komandantin e Gardës Revolucionare Qassem Soleimani para vrasjes së tij në një sulm me avionë amerikanë.
Mahmoud Mousavi-Majd, një përkthyes, u ekzekutua të hënën, njoftoi Reuters, duke cituar agjencinë e lajmeve të shtetit iranian IRIB.
Gholamhossein Esmaili, një zëdhënës për gjyqësorin e Iranit, tha në një konferencë shtypi në fillim të këtij muaji se Mousavi-Majd kishte spiunuar “në fusha të ndryshme të sigurisë, veçanërisht forcat e armatosura dhe forcën e Qudsit dhe vendndodhjet dhe lëvizjet e dëshmorit Qasem Soleimani,” Times of Israel raportoi.
Soleimani, i cili udhëhoqi Gardën Revolucionare të Iranit, u vra nga një sulm me dron amerikan në Bagdad, Irak, më 3 janar të vitit 2020. Irani lëshoi një urdhër arrest për Trump në fund të qershorit për vrasjen.
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.