Irani përgatitet për “rikthimin” e naftës / Zhvendos inventarët e naftës nëse pakti me SHBA heq sanksionet

Irani mund të eksportojë së shpejti milionë fuçi nafte që mban të magazinuar, nëse arrin marrëveshje me Shtetet e Bashkuara për programin bërthamor, ndërkohë që e ka zhvendosur këtë naftë në vende që ta përgatisë për rinisjen e dërgesave.   SHBA dhe Irani mund të nisin në mes të Qershorit raundin e gjashtë të bisedimeve të tërthorta mbi ringjalljen e marrëveshjes bërthamore të 2015-s, që ish-presidenti Donald Trump e ndërpreu në vitin 2018.  Trump rivendosi sanksione tek sektori i energjisë së Iranit, duke bërë që rafineritë në shumë vende të ndalojnë natën iranaine dhe detyrojnë Teheranin të nxjerrë naftë poshtë kapacitetit.

Negociatat për marrëveshjen bërthamore ndaluan ditën e Diel, pasi gjykatësi Ebrahim Raisi, fitoi zgjedhjet presidenciale të Iranit. Dy diplomatë thanë se pritet një ndalesë prej rreth 10 ditësh. Irani mban rezervat e katërta më të mëdha në botë të naftës dhe varet ndjeshëm tek të ardhurat nga nafta. Nëse administrata e Joe Biden dhe qeveria iraniane bien dakord në një marrëveshje që heq sanksionet, Irani planifikojnë të rrisë prodhimin në 3.8 milionë fuçi në ditë, nga 2.1 milionë aktualisht, sipas zyrtarëve të ministrisë së naftës.  Kjo do ta kthente prodhimin e vendit në nivelin ku ishte përpara sanksionet, por do të kërkojë kohë për shkak të nën investimeve prej vitesh në fushat e naftës.   Kërkesa për naftë po rritet, ndërkohë që aktiviteti botëror ekonomik po rimëkëmbet nga ndikimi i pandemisë dhe prodhuesit e OPEC kanë qenë të kujdesshëm mbi rritjen e ofertës në treg, pjesërisht për të shmangur një goditje, nëse Irani rikthehet në normalitet.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.