Irani, reformë monetare si Shqipëria e viteve ’64-‘65 ku lindi ngatërresa lek i ri/lek i vjetër! Heq 4 zero nga kartëmonedhat

Qeveria e Iranit ka miratuar projektin për të hequr 4 zero nga monedha kombëtare, Rial. Miratimi i vendimit u bë i ditur nga agjencia shtetërore e lajmeve në Iran, që citon zëdhënësin e qeverisë Ali Rabiei. Kjo reformë monetare diskutohej prej vitesh ndërsa vlera e monedhës së Iranit ka pësuar vazhdimisht rënie.

‘Bloomberg’ raporton se zëdhënësi i qeverisë nuk ka specifikuar se kur ky plan do të vihet në zbatim konkret. Heqja e zerove në monedha praktikisht forcon monedhën vendase dhe ndikon në inflacion.

Një lëvizje të tillë është aplikuar në Shqipëri në vitet ’64-’65 ku heqja e një zeros nga kartëmonedha krijoi problemin që vijon ende sot; atë të përdorimit të emërtesës lek i ri-lek i vjetër.

Në fakt, Irani, ashtu Shqipëria, vijon të vuajë prej kohësh  problematikën e emërtesës së monedhës. Madje, ka pikëpyetje nëse Riali Iranian është monedha me çoroditëse në botë. Irani ka dy sisteme për të llogaritur paratë; Riali që është monedha zyrtare dhe Tuman që është si Riali po me një zero më pak.

Tumani nuk ekziston si kartëmonedhë por përdoret nga vendasit si njësi matëse. P.sh 50 mijë rial janë të barabartë me 5 mijë tuman.

Vizitorët dhe turistët e huaj janë ata që ngatërrohen më shumë, dhe çdo herë u duhet të pyesin kur marrin faturën nëse shuma është në Rial apo në Tuman.  Aktualisht 42,000 rials mund të këmbehen me 1 dollar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.