“Ish Bashkimi Evropian” – Sfida kryesore e BE përgjatë pandemisë është ruajtja e unionit

Vështirësitë e brendshme të politikës në BE nuk është diçka e re, por gjatë pandemisë bashkëpunimi midis drejtuesve të BE-së ka qenë akoma dhe më i vështirë. Pyetja që shtrohet në këtë rast është se, nëse BE nuk ka unitet, atëherë cili është qëllimi i ekzistencës së saj?

“Vendet anëtare të Bashkimit Evropian e kuptojnë se kanë nevojë për njëri-tjetrin,” ka thënë Komisionerja Evropiane për Punët e Brendshme në Zonën e Konflikteve, Ylvia Johansson.

“Ajo që ne po shohim nuk është një dështim i Bashkimit Evropian. Kemi shumë vështirësi, por këto nuk janë vështirësi të reja dhe ne mund t’i menaxhojmë ato,” tha Ylva Johansson.

Ndërsa kërcënimi i koronavirusit u intensifikua dhe u përhap në të gjithë Evropën, udhëheqësit kombëtarë vepruan në kohë, por përgjigjet e tyre të pakoordinuara dhe shpesh për interesat e vendeve të tyre, kanë shkaktuar probleme të mëdha për pro-evropianët.

“Partia ime është një ndër partitë më pro Evropës në Itali, e megjithatë shumë anëtarë më thonë se përse duhet të jemi akoma pjesë e BE-së’’ u shpreh një ish-ministër italian dhe përfaqësues në BE.

“Humbja e reputacionit është e madhe,” tha Donald Tusk, ish-presidenti i Këshillit Evropian, ndërsa Kryeministri i Spanjës paralajmëroi se “pa kohezion do të ketë mosmiratime dhe besueshmëria e projektit Evropian do të dëmtohet rëndë”.

Mosmarrëveshja Evropiane

Ne po shohim veprime të dëshpëruara nga vendet anëtare dhe kjo është mjaft e kuptueshme, pasi situata është e vështirë. Por kemi vënë re gjithashtu që vendet anëtare kërkojnë që Komisioni i BE të ketë një koordinim dhe rol më të fortë.

Por Presidentja e Komisionit Evropian, Ursula von der Leyen, mbajti një qëndrim kritik gjatë një prononcimi: ‘‘Në momentin kur Evropa kishte nevojë për shpirtin e bashkëpunimit, shumë vende u treguan egoiste.’’

Probleme të vjetra, dështime të reja?

Johansson shprehet se, BE është bashkim i demokracive dhe vlerave. Çfarë është shqetësuese për të është fakti, se mund të ketë ende vende që do të përfitojnë nga kriza dhe do t’i largohen parimeve të demokracisë dhe ligjeve, sikurse është rasti i Hungarisë, presidenti i së cilës e shfrytëzoi pandeminë për të qeverisur me dekret, duke anashkaluar kështu ndarjen e pushteteve.

D.B – SCAN

Burimi: Deutsche Welle

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.