Ish Ministri i Financave në pranga – 9 milionë euro korrupsion, skemë përvetësimi për 60 mijë apartamente në Austri
Ish Ministri i Financave në Austri është vendosur në pranga pasi u shpall fajtor për përvetësim, marrje ryshfteti dhe falsifikim të provave në një marrëveshje për të shitur mijëra apartamente të pronësisë publike.
Gjykata në Vjenë tha se Grasser ishte i përfshirë në afera korruptive që tejkalojnë 9 milionë euro. Ish Ministri Karl-Heinz Grasser mohoi akuzat dhe tha se do të apelonte vendimin.
Grasser u bë ministri më i ri i financave në Austri në vitin 2000.
Çështja përfshiu 14 të pandehur që u përballën me një sërë akuzash, të cilat përfshinin pastrim parash, mashtrim dhe falsifikim të provave.
Gjykata tha se Grasser dhe një ndërmjetës kaluan informacionin në lidhje me një ofertë gjatë një skeme për të privatizuar 60.000 apartamente, që nga ana tjetër i mundësuan një rivali të paraqiste një ofertë pak më të lartë fituese.
Burimi origjinal: BBC
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.