Ish shefi i Emergjencave në Itali: “Mes shkurtit e marsit, valë e tretë Covid-i. Gabojmë nëse mendojmë se për Krishtlindje do çlirohemi nga virusi!
“Mes shkurtit dhe marsit do të ketë një valë të tretë Covid-i dhe nëse ndokush mendon se në Krishtlindje do të jemi të gjithë të çliruar nga virusi, gabohet”. Ka qenë kjo deklarata e Guido Bertolasos ndërsa merrte pjesë në emisionin “105 Friends” të Radio 105.
Duke folur për situatën në zonën e Umbrias, ku është konsulent i Rajonit për menaxhimin e emergjencës së pandemisë, ish shefi i emergjencave civile në Itali ka shpjeguar se “situata është mjaftueshëm nën kontroll falë spitaleve fushore ushtarake dhe Kryqit të Kuq që janë instaluar në Perugia dhe Terni”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.