ISHP: Strukturat në gatishmëri për koronavirusin! Nuk ka vend për panik. Kini besim te ne. S’ka pse dyndeni në spitale
Shqipëria ka shtuar gatishmërinë për koronavirusin e ri kineze, në kushtet kur në Italo janë konstatuar raste të prekura dhe 2 viktima. Përfaqësuesja e ISHP-së Silva Bino tha se Shqipëria mudn të diagnostikojë koronavirusin dhe se janë marrë masat edhe për karantimin, nëse do të jetë e nevojshme. Bino kërkoi që qytetarët të respektojnë rregullat e higjienës personale dhe të bëjnë kujdes mos të bien pree panikut.
“Kemi struktura të tjera veç spitaleve që i plotësojnë këto kushte. Kemi përcaktuar rregullat si për karantinimin në shtëpi që ka një udhëzues por edhe në struktura të posaçme që do të jenë të kontrolluara. Edhe karantimi do të jetë i kontrolluar. Natyrisht, është normale që njerëzit të kenë frikë por nuk duhet të kenë panik sepse paniku vret më tepër. Kini besim te ne, te strukturat, sepse e ndjejmë vetën të dyshuar në çdo gjë që bëjmë. Jam shumë e sinqertë në të gjitha ato që them dhe nuk mund të flas për gjëra që nuk i bëjmë.
Natyrisht jemi në një periudhë që kemi qarkullim të gripit të zakonshëm dhe me frikën e këtij virusi. Janë simptoma shumë të ngjashme por është e rëndësishme historia e udhëtimeve të personit dhe gjykimi i tij nëse ka lidhje me diçka të rrezikshme apo jo. Pjesa tjetë që dua të bëj apel sepse nuk është një sëmundje e tmerrshme. Natyrisht përhapet shpejt po jo aq shpejt sa fruthi.
Është një sëmundje që shkon me vdekshmeri diku të 2 %. Nuk e ka të lartë. Por nuk duhet të neglizhojë simptomat, sidomos kur ka vështirësi në frymëmarrje. Kjo është një shenjë shumë e rëndësishme. Kemi pasur pak a shumë të njëjtën situatë, në të njëjtin vend kemi folur,edhe për pandeminë e gripit 10 vite më parë. Nuk duhet të dyndemi nëpër urgjenca sepse mund të kemi kryqëzim të virueseve respiratore. Me rendësi është kontaktimi në telefon me mjekun e familjes ose urgjencën dhe të mos dyndemi në spitale” tha Binaj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.