Ishte shpallur në kërkim për mospagim taksash, arrestohet 60 vjeçari

Policia e Shtetit njofton se në Fier, specialistët e Seksionit për Hetimin e Krimit Ekonomik e Financiar kanë ndaluar një shtetas të shpallur në kërkim për veprat penale “fshehje të ardhurash” dhe “mospagimi i taksave dhe tatimeve”.

Referuar njoftimit të Policisë, është ndaluar shtetasi I.F., 60 vjeç, banues në Tiranë.

“Ndalimi i këtij shtetasi u bë pasi Gjykata e Shkallës së Parë Fier, me Vendimin e datës 15.04.2019, ka vendosur masën “Arrest me burg”, për veprat penale “Fshehje e të ardhurave” dhe “Mospagim i taksave dhe tatimeve”.  Ky shtetas, në subjektin e tij me aktivitet në fushën e hidrokarbureve, nuk ka paguar taksat dhe tatimet në shtet në shumën prej 38.688.297 lekë” njofton Policia.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.