ISHTI pezullon shërbimet për debitorët – Detyrime të palikujduara që nga viti 2007, vlera totale arrin në 127.6 mln lekë

127.6 mln lekë është shumë e detyrimeve të pashlyera nga subjekte të ndryshme  ndaj Inspektorati Shtetëror Teknik dhe Industrial përgjatë 14 viteve të fundit. Ky dikaster ka publikuar listën e debitorëve, duke filluar nga vitit 2007 e deri në vitin 2020, duke renditur të gjithë subjektet publikë, privatë apo individë, të cilët nuk kanë likujduar detyrimet  e që për pasojë rezutojnë borxhlinj ndaj këtij institucioni.

Sipas të dhënave të këtij dikasteri, 2020-a është viti me detyrimin më të lartë të papaguar, me 29.8 mln lekë, ndërkohë që pas tij vjen viti 2015 me 18.9 mln lekë.  Detyrimet e palikujduara janë të ndara sipas drejtorisë së inspektimit të naftës dhe gazit, drejtorisë së pajisjeve elektrike, drejtorisë së pajisjeve nën presion si dhe drejtorisë së Laboratorit Qendror Kombëtar.

Ndërkaq, Inspektorati Shtetëror Teknik dhe Industrial iu bën me dije të gjitha subjektet debitore, se nga data 28 shtator 2020, ka pezulluar çdo shërbim ndaj tyre, si dhe nuk kryen asnjë analizë mbi plotësimin e standardeve teknike të naftës dhe nënprodukteve të saj, që do të kërkohet nga subjektet. Këto shërbime do të jetë të pezulluara deri në arkëtimin e plotë të detyrimit financiar.Për këët arsye, ISHTI ka kërkuar  nga subjektet debitore, sipas listës së publikuar, të kryejnë sa më shpejt pagesat, me qëllim vijimin e punës pa ndërprerje dhe pa pasoja të tjera ligjore.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.