Ishulli i izoluar i “Shën Helenës” tashmë mirëpret vizitorë nga e gjithë bota
Në këto kohë që jetojmë sot është gjithnjë e më e pamundur të shkoni në një vend të paprekur apo të pashkelur nga askush, apo të jeni ju të parët që e përjetoni diçka.
Por tani është e mundur të jeni të parët që fluturoni drejt ishullit të Shën Helenës në Oqeanin Atlantiko-Jugor.
Ky ishull u zbulua nga portugezët në 1502, por vetëm para pak muajsh mënyrat për të shkuar në këtë ishull ndryshuan.
Deri këtë vit, e vetmja mënyrë për të arritur këtë ishull ishte nëpërmjet një udhëtimi 5 ditor me anije nga Cape Town në ishullin e Shën Helenës.
Por në tetor, ai i cili më parë njihej si “aeroporti më i padobishëm në botë” u hap për fluturime komerciale.
Ky aeroport pritej të hapej vitin e shkuar por era e fortë që vinte nga oqeani bënte që ulja e avionëve të ishte jo e sigurtë.
Në fakt ekzistojnë vetëm 4 pilotë në të gjithë botën të cilët janë të certifikuar për të udhëtuar në këtë aeroport të cilët kanë bërë një sërë trajnimesh intensive.
Gjithashtu pritet që në këtë ishull deri në vitin 2020 të ketë ardhur internet me fibër optike dhe ishulli ka gjasa të ndryshojë në vitet në vijim.
Fluturimet për në ishullin e Shën Helenës janë në dispozicion vetëm nga Johannesburg ose Cape Town duke filluar nga 1080 dollarë.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.