Islanda në një situatë të pazakontë – Rreth 17 mijë tërmete regjistrohen në vend brenda javës

Populli i Islandës është mësuar me tërmete, por edhe ata ishin të befasuar nga rastet e fundit të cilat ishin tepër të shpeshta. Pra, në territor kishte 17 mijë tërmete, ku lëkundjet më të forta me një madhësi prej 5.6 u regjistruan më 24 shkurt.

Një madhësi e konsiderueshme ndodhi gjithashtu në 27 Shkurt dhe 1 Mars. Islanda është një vend që ‘dridhet’ mesatarisht një mijë herë në vit. Tani rajoni i Europës po lëkundet pothuajse vazhdimisht. Askush nga banorët lokalë nuk do të kujtojë diçka të tillë.

Deri më tani, nuk ka asnjë informacion në lidhje me dëmtimin serioz të infrastrukturës. Dihen vetëm disa çarje në rrugë. Njerëzit tashmë kanë filluar të panikohen, sepse ndjenja se toka lëviz nën këmbët e tyre 24 orë në ditë është e frikshme.

Banorët të cilët nuk janë shumë të frikësuar nga ato që po ndodhin ankohen për problemet e gjumit: zgjohen të paktën dy herë në natë. Ekspertët kanë frikë se tërmetet mund të paraprijnë shpërthimet vullkanike. Sizmografët regjistrojnë akumulimin e magmës nën mbulesën e tokës. Shpërthimi mund të ndodhë në malin Keilir. Ky vullkan ka qenë i fjetur për 800 vjet.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.