Itali/ Koronavirusi vjen me një trend të lehtë ulje, por viktimat ende të shumta. Zyrtarët të shqetësuar për Jugun
“Numri i infeksioneve nga koronavirusi dhe viktimave në 24 orët e fundit kanë konfirmuar një rënie të vogël”- kështu u raportua nga komisari i mbrojtjes civile Angelo Borrelli. Pozitivët e tanishëm janë 50.418, një rritje prej 3780 brenda një dite (dje ato ishin rritur me 3.957). 602 vdekje në 24 orët e fundit (651 dje, 793 ditë më parë) sjellin në total 6.077 persona të vdekur. Ka 26,522 pacientë në izolim në shtëpi dhe 3204 në kujdes intensiv.
Përtej raportit të viktimave dhe personave të infektuar, shefi i Mbrojtjes Civile ka falenderuar dhe italianët për kontributin e bërë ndaj këtij institucioni:
“Theksoj solidaritetin e madh të italianëve, me 25.5 milion euro të mbledhura tashmë në llogarinë rrjedhëse të Mbrojtjes Civile, shumë e cila do të përdoret për blerjen e materialeve mjekësore. Borreli deshi të nënvizojë gjithashtu solidaritetin ndërkombëtar: “Dua të falënderoj Vendet që kanë kontribuar në aktivitetet e Italisë: Rusia, Kina, Kuba, Franca, Gjermania, të cilat na kanë siguruar burra dhe mjete të nevojshme.
Një mesazh mjaft të rëndësishëm kishte edhe kryetari i Institutit të Shëndetit Publik, i cili u shpreh se tashmë kurba rënëse duhet të mbahet edhe në jug, ashtu si në veri:
“Kjo është java shumë e rëndësishme për të vlerësuar përparimin e kthesave epidemiologjike. Angazhimi ynë është të parandalojmë që kthesat që ndodhin në veri të mos ndodhin në jug. Për momentin, kontributi është shumë i vogël në jug”. Për të siguruar që kurba të kthehet sa më shpejt të jetë e mundur për të zbritur “është e nevojshme distancimi shoqëror, por gjithashtu që dyshimet pozitive ulin në mënyrë drastike mundësinë e infektimit”. – u shpreh ai.
Sipas tij, deri më tani nga statistikat nuk raportohet një mundësi e tillë, por ai u shpreh mjaft i shqetësuar për fotot që vijnë nga zonat e jugut ku njerëzit janë parë në masë teksa bëjnë xhiro, pazar dhe shoqërohen pa marrë parasysh asnjë masë.(La Republicca)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.