Itali, “zbulohet” tradhtia – Deputetët votuan kundër ligjit elektoral, për 61 mijë euro
Parlamenti italian, pavarësisht se kishte një marrëveshje mes partive kryesore, dështoi ditën e Enjte të miratonte ligjin e ri elektoral. Votimi pro ligjit, përkthehej në zgjedhje të parakohshme në 25 qershor, siç kërkon edhe kreu i partisë demokratike, Matteo Renzi.
E ndërkohë që analistët dhe aktorët kryesorë të politikës italiane kërkojnë të gjejnë motivin e këtij dështimi dhe numri e lartë të tradhtarëve, pra të atyre që shkuan kundër linjës së partisë, motivi i vërtetë i dështimi duket se është shumë më i thjeshtë.
Në rast se, deputetët italianë do të votonin ashtu siç ishte dakordësuar, pra ligjin e ri elektoral, atëherë zgjedhjet do të zhvilloheshin më 25 Shtator, dhe jo në muajin Maj të vitit të ardhshëm, siç projektohet.
Kjo, përkthehet në një humbje monetare prej 61 mijë eurosh për çdo anëtar të parlamentin italian. Të zgjedhurit e popullit në Itali paguhen të paktën 12 mijë euro në muaj, çka për pesë muaj përkthehet në 61.000 euro.
Dhe po të votonte pro ligjit elektoral, të enjten, çdo deputet praktikisht do të refuzonte 61 mijë euro. Këtyre parave i shtohen edhe përfitime të shumta, si rimbursimi i udhëtimeve, rimbursimi i faturave të telefonisë celulare, shërbimi shëndetësor, etj.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.