Italia arrin numrin më të lartë të viktimave në 24 orë. Numri i të infektuarve me rënie të lehtë
Në bazë të të dhënave të siguruara nga Mbrojtja Civile, të infektuarit e rinj janë 4,401 (dje ishin 4,492) që sjell numrin e përgjithshëm në 66.414, të vdekurit janë 969 (50 në lidhje me dje që nuk ishin llogaritur) për gjithsej 9,134, 589 të rikuperuar . Numri i të vdekurve është më i larti ndonjëherë.
Ky virus “është një armik i padukshëm, i fortë dhe i panjohur. Ne mund ta fitojmë këtë luftë duke u mbështetur në sakrificën e të gjithë qytetarëve. Ne kërkojmë përsëri respektimin e rregullave”. Kështu u shpreh komisioneri i jashtëzakonshëm për emergjencën, Domenico Arcuri, në mbledhjen për shtyp. “Sot ne shpërndajmë 4.1 milion maska. Në 3 ditët e fundit kemi shpërndarë 9.6 milion.”
Dje 20 mjekët e parë vullnetarë u shoqëruan në Bergamo. 8000 të tjerë janë vënë në dispozicion për të dhënë një kontribut në vijën e parë. Në ditët në vijim, disa prej tyre do të arrijnë në zonat me përhapjen më të madhe të virusit. “Ne do t’i dërgojmë 300 vullnetarët e parë në zonat më të shkatërruara”, sqaruan zyrtarët e Mbrojtjes Civile.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.