Italia “ashpërsohet” ndaj të pavaksinuarve – Policia nis të gjobisë me 400 euro të pavaksinuarit në transportet publike

Italia ka ashpësuar masat në nisje të Javës për njerëzit e pavaksinuar ende ndaj Covid-19, duke limituar aksesin në disa ambiente dhe shërbime.  Masat u lajmëruan muajin e kaluar,  që përpara zbulimit të variantit Omicron, dhe vijnë ndërkohë që rastet në vend janë rritur përsëri, pavarësisht se më ngadaltë se tek homologët europianë.   Nën rregullat e reja, vetëm njerëzit që janë vaksinuar apo janë shëruar së fundmi nga Covid-19, mund të aksesojnë baret dhe restorantet, vizitojnë muzeumet, shkojnë në kinema dhe klube apo ndjekin eventet sportive.

Një pasaportë e thjeshtë e gjelbër, e disponueshme për të pavaksinuarit, por vetëm nëse janë testuar negativ brenda 48 orëve, është ende e vlefshme për të gjihë punëtorët.  Përveç kësaj, pasaporta u bë e detyrueshme për të gjithë transportin publik nga dita e Hënë. Policia nisi të përforcojë masat në orët e mëngjesit, duke gjobitur me 400 euro këdo këdo që kapej në autobuz, metro apo tren pa një certifikat shëndetëosre.

Dokumenti kërkohet tashmë për këdo që dëshiron të qëndrojë në një Hotel apo të aksesojë dhomat e ndërrimit në eventet sportive.  Disa banorë e mbrojnë vendimin, duke thënë se është më mirë se sa karantina e plotë kombëtare.  Italia ka një nga normat më të larta në botë të vaksinimit me 80% të popullsisë që kanë marrë 1 apo 2 doza, dhe rreth 15% që kanë marrë dozën nxitëse.

Infeksionet me Covid-19 janë rritur në javët e fundit, duke shënuar 15,000 të Dielën, pavarësisht se shifra është sa gjysma e rasteve në Gjermani, Francë dhe Britani. Norma e lartë e vaksinimit ka marrë kryesisht meritat e përmbajtjes së sëmundjes.  Ka patur protesta të dhunshme në Tetor kur qeveria prezantoi për herë të parë certifikatën e gjelbër për të gjithë punonjësit, por demonstratat janë zbutur ndjeshëm në muajin e kaluar.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.