Italia bëhet vendi i dytë europian që tejkalon shifrën e 100 mijë viktimave nga Covid-19 ndërsa ekspertët paralajmërojnë një kulm të ri të infeksioneve
Italia të hënën regjistroi 318 vdekje nga COVID-19 në 24 orët e fundit, duke e cuar numrin total në 100,103 dhe duke e bërë atë vendin e dytë pas Mbretërisë së Bashkuar që kaloi momentin e zymtë të 100,000 viktimave nga sëmundja.
Kryeministri i ri Mario Draghi paralajmëroi për hidhërim të mëtejshëm në ditët në vijim ndërsa shtrirjet në spital janë rritur ndjeshëm.
Një vit më parë, Italia vendosi bllokimin e parë të koronavirusit nga çdo vend tjetër europian, por tani, pas muajsh qëndrueshmërie në rastet e përditshme, ka pasur një rritje të qëndrueshme të infeksioneve të reja.
Dhe ekspertët thonë se vendi duhet të përgatitet për një kulm të ri të infeksioneve në rreth dy javë, duke paralajmëruar që rastet e përditshme mund të arrijnë deri në 40,000 nëse nuk vendosen me shpejtësi kufizime më të rënda të lëvizjes dhe aktiviteteve të qytetarëve.
Në përgjigje të rasteve në rritje të COVID-19, autoritetet po vendosin tre rajone të tjera nën kufizime më të rrepta.
Dy në veri të vendit – Friuli Venezia Giulia dhe Veneto – do të ngrihen në zona portokalli. Ndërsa rajoni i Campania, i cili përfshin Napolin, do të klasifikohet si një zonë e kuqe, niveli i rrezikut më të lartë. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.