Italia, Franca dhe KE dhurojnë donacionet më të mëdha, ja shuma e mbledhur deri më tani nga konferenca në Bruksel

Po zhvillohet Konferenca e Donatorëve e organizuar nga Komisioni Europian në Bruksel në të cilën janë pjesëmarrëse plot 62 përfaqësues shtetesh dhe 32 organizata ndërkombëtare.

Deri më tani janë bërë publike edhe shifrat e dhuruara nga disa prej shteteve, ku shihet se Italia dhe Franca qëndrojnë në krye për fondet e dhuruara.

Shteti ynë fqinj ka vendosur të dhurojë plot 65 milionë euro, ndërsa Franca do të japë 100 milionë euro, jo në formë paraje por duke bërë investime në projekte të ndryshme të miratuara në koordinim me qeverinë shqiptare, si dhe 60 milionë të tjera në formë huaje.

Gjithashtu Komisioni Evropian përveç 15 milionë eurove të dhuruara muaj më parë, ka shtuar edhe 100 milionë euro të tjera nga fondi fillestar.

Deri më tani shuma përfundimtare e donacioneve ka arritur vlerën e 277 milionë eurove, teksa fatura totale e dëmeve që tërmeti i 26 nëntorti shkaktoi llogaritet tek 985 milionë euro.

Lista e Plotë e donacioneve:

Italia 65 milionë euro

Franca 100 milionë euro projekte, 60 milionë hua

Gjermania 11 milionë euro

Britania e Madhe 1 milion paund

Holanda 3 milionë euro

Suedia 5.6 milionë euro

Danimarka 2 milionë euro

Greqia 2.5 milionë euro

Sllovakia 250 mijë euro

Austria 1 milionë euro

Kroacia1 milion euro

Çekia 380 mijë euro

Sllovenia 300 mijë euro

Finlanda 300 mijë euro

Portugalia ndihmë teknike

Luksemburgu 150 mijë euro

Bullgaria 100 mijë euro

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.