“Italia, jo Greqi e dytë!”, Kancelari austriak: Të mësojmë nga kriza e fundit. Mbështes vendimin e Komisionit  

“Në mënyrën siç është propozuar manovra italiane nuk mund të pranohet sepse nuk respekton Paktin e Stabilitetit. Do të rriste edhe më tej borxhin italian ndërsa jemi akoma duke u përballur me pasojat e krizës së fundit financiare.”

Këtë ka deklaruar kancelari austriak Sebastian Kurz në një intervistë për italianen “Ilsole24ore” ku mbështet vendimin e paprecedentë të  Komisionit Europian të pak ditëve më parë ku u refuzua plani i shpenzimeve të Italisë. Gjatë intervistës, Kurz vë theksin se në këtë rast, “nuk duam që të ndodhë ajo që ndodhi me Greqinë”.

Kurz evidenton se të gjithë duhet të mësojnë nga kriza e fundit financiare e sidomos nga ajo që ndodhi në Greqi ku ata që vuajtën më shumë pasojat ishin ata të shtresës së mesme e të varfër. “Është e rëndësishme që të respektohen rregullat kur flitet për stabilitetin financiar të BE-së. Kjo vlen edhe për Italinë. Kështu që mbështes plotësisht vendimin e Komisionit Europian për buxhetin italian” u shpreh ai.

Për më shumë lexo edhe:

http://www.scan-tv.com/e-paprecedente-be-refuzon-italine-nis-perplasja/

Salvini i “vërsulet” BE-së: Po sulmohet ekonomia italiane sepse dikush dëshiron të blejë kompanitë tona nën kosto!   

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.