Italia kalon shifrën e 10 mijë  viktimave nga COVID-19! Bilanci i 24 orëve të fundit dhe tendenca

Ka kaluar shifrën 10 mijë  numri i viktimave në Itali. Numri i atyre që kanë humbur jetën deri më tani nga COVID-19 janë 10 mijë  e 23 persona, me një  rritje me 889 viktima nga dita e djeshme. Të  premten, numri i viktimave ishte 969. E dhëna është  bërë  publike nga mbrojtja civile.

Ndërsa numri i personave të  shëruar është  12 mijë  e 384.

Në  total,numri i të  prekurve ka shkuar në  70 mijë  e 65 persona me një  rritje me 3 mijë  e 651 në  krahasim me një  ditë  më  parë. Të  premten, rritja ditore e të  infektuarve ishte 4 mijë  e 401.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.