Italia krijon partinë e re politike që përfaqëson emigrantët e brezit të dytë
Emigracioni është një çështje përçarëse në Itali, ku mbërritjet janë pothuajse katërfishuar që nga viti 2019. Rrëfimi anti-emigrant ka rezultuar i suksesshëm për udhëheqësin e Lidhjes dhe ish-nën kryeministrin Matteo Salvini, megjithëse nuk është më në qeveri, ka udhëhequr sondazhet e vendit për më shumë se një vit.
Një parti e re, megjithatë, po përpiqet të nxisë ndryshime në këtë temë; Futuro E ‘Ora (E Ardhmja është tani), e cila nisi të Premten në Pontedera, Toskana, dhe synon të luftojë për të drejtat e emigrantëve.
Udhëheqësi i saj, Yassine El Ghlid, lindi në Marok 31 vjet më parë dhe mori shtetësinë italiane 21 vjeç. Ai ëndërron t’i japë çdo emigranti të brezit të dytë, si ai, të drejtën e kombësisë italiane.
“Jemi lodhur nga detyrimi që t’u delegojmë pyetje që na shqetësojnë njerëzve të tjerë,” i tha ai korrespondentit të Euronews në Itali Giorgia Orlandi. “Sepse kur bëhet fjalë për emigracionin, përfshirja sociale … vetëm ata që kanë kaluar përvoja të ngjashme duhet të thonë një fjalë për këtë.”
“Kushdo që ka lindur këtu nga prindër emigrantë duhet të ketë të drejtën të marrë shtetësinë italiane,” shton një anëtar tjetër i partisë, Serigne Khadim Dieng, i cili u bë avokat në Itali pasi u transferua në vend nga Senegali. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.