Italia: Liderët perëndimorë ranë dakord të rrisin presionin ndaj Moskës!
Udhëheqësit perëndimorë ranë dakord për nevojën për të ushtruar më shumë presion ndaj Rusisë dhe për të rritur izolimin ndërkombëtar të Moskës pas pushtimit të Ukrainës, thuhet në një deklaratë të qeverisë italiane të martën.
Udhëheqësit – duke përfshirë kryeministrin italian Mario Draghi, presidentin e SHBA Joe Biden dhe kryeministrin britanik Boris Johnson – ndanë “shqetësim të thellë” për armiqësitë e zgjatura në Ukrainë dhe thanë se duhej një armëpushim i shpejtë.
“Kishte një konsensus të gjerë mbi nevojën për të rritur presionin ndaj Kremlinit, duke përfshirë miratimin e sanksioneve të mëtejshme dhe për të rritur izolimin ndërkombëtar të Moskës”, thuhet në deklaratën e Romës pas një videotelefonate mes liderëve.
Ai shtoi se ata përsëritën një angazhim për të diversifikuar furnizimet me energji në mënyrë që të ulet varësia nga Rusia. RTS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.