Italia, me objektiv optimist. Synon të vaksinojë rreth 80% të popullsisë deri në fund të Shtatorit

Italia deklaroi në fundjavë se synon të vaksinojë të paktën 80% të popullsisë deri në fund të shtatorit, pas kritikave publike mbi ritmin e ngadaltë të imunizimit ndaj koronavirusit, tek një nga vendet më të goditura në Europë.  Francesco Paolo Figliuolo, një gjeneral i ushtrisë dhe komisioner i ri për koronavirusin, publikoi një plan kombëtar për të administruar 500,000 doza në ditë. Italia ka regjistruar 101,881 vdekje që kur u shfaq virusi në vend në Shkurt 2020, që është norma e dytë më e lartë në Europë pas Britanisë dhe e shtata më e madhe në botë.

Deri më tani, Italia ka raportuar 3.2 milionë raste.  Rreth 1.95 milionë italianë, ekuivalentë me 3.8% të popullsisë së përshtatshme për vaksinim, kanë marrë 2 dozat deri më tani, duke nxitur kritika publike mbi ritmin e ngadaltë. Italia pret të marrë më shumë vaksina, me totalin e dërgesave që pritet të rritet nga 15.7 mln doza në tremujorin e parë, në 52 milionë nga Prilli në Qershor, duke prekur majën prej 84.9 milionë në tremujorin e tretë, sipas një dokumenti të kabinetit qeveritar.

Vendi planifikon të shtojë operatorët shëndetësorë që administrojnë vaksinat, duke nxitur një marrëveshje ekzistuese nën të cilën përdoren mjekët e familjes, dentistët dhe mjekët pediatër.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.