Italia merr frymë! Bie ndjeshëm numri i të prekurve. Lombardia 0 humbje jete në 24 orë ndërsa aty ku u shfaq për herë të parë, 0 raste të reja
Viktima në minimumin historik nga emergjenca e COVID në Itali. ANSA raporton se në 24 orët e fundit janë shënuar 3 humbje jete nga personat e prekur me COVID. Kjo nuk ndodhte që prej muajit shkurt.
Sipas agjencisë së njohur italiane të lajmeve, të dhënat janë publikuar nga ministria e Shëndetësisë. Po ashtu, numri I të prekurve po njeh rënie në 24 orët e fundit ku rezulton se janë 219 persona pozitivë kundrejt 249 që ishin pardje.
Në total, në Itali janë prekur 244 mijë e 434 persona nga të cilët pozitivë tani janë 12 mijë e 440 ndërsa të shëruarit janë 196 mijë e 949. Numri total i viktimave ka shkuar në 35 mijë e 45 persona që prej shpërthimit të virusit.
Një zhvillim pozitiv është se nuk është shënuar asnjë viktimë nga koronavirusi në Lombardi, gjë që nuk ndodhte që prej 22 shkurtit kur u shënua edhe viktima e parë në këtë rajon. Ndërkohë, në zonat ku u konstatua virusi për herë të parë (Leço, Lodi, Mantova e Sondrio) nuk ka asnjë rast të ri.
Burimi: ANSA/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.