Italia ndryshon rregullat e kontrollit në aeroport: Nga njohja biometrike e fytyrës deri tek sasia e lëngjeve në bagazhe
Disa nga ndryshimet e fundit lidhur me përmbajtjen e bagazheve të pasagjerëve janë sasia e lëngjeve të lejuara në to, detyrimi për të nxjerrë pajisjet elektronike nga çantat është anuluar dhe kontrolli i fytyrës për udhëtarët është në rrugë e sipër. Pothuajse një muaj pas rihapjes së aeroportit të Linate, Sea (kompania që administron aeroportin e Milanos dhe Malpensës) njofton risitë e reja për pasagjerët.
Një kthim i mirëpritur nga shumica është mundësia e bartjes në bagazhet e dorës kontejnerë për lëngje mbi 100 ml, të ndaluara pas sulmeve të 11 shtatorit 2001 në New York. Kjo do të bëhet e mundur nga një lloj i ri kontrollesh: në vend të rrezeve tradicionale, do të hyjnë në punë tashmë makinat me teknologjinë Tac, ajo që përdoret tashmë për bagazhet e kargos. Sipas Corriere della Sera, këto ndryshime do të hyjnë në funksion në Linate gjatë verës dhe deri në fund të vitit 2020 në Malpensa, ku tashmë janë duke u testuar dy. Jo vetëm në Milano por edhe Roma së shpejti do të [përqafojë këto ndryshime aeroportuale gjatë fillimit të vitit tjetër.
Falë teknologjisë Tac, nuk do të jetë më e nevojshme të nxirrni kompjuterë, tableta dhe pajisje të tjera gjatë kontrolleve. Në këtë mënyrë, rreshtat duhet të thjeshtohen, pasi do të jetë e nevojshme të mbushni dhe boshatisni më pak shporta.
Por shpejtësia e kontrolleve gjithashtu kontribuon në automatizimin e linjave për kontrollet e bagazheve të dorës, gjë që do të lejojë kalimin e 250 personave në orë. Dhe gjithashtu prezantimi, së pari në Linate dhe më pas edhe në Malpensa (në Romë fillon nga Terminal 1, me fluturime Klm për Amsterdam), të të ashtuquajturit udhëtim Frictionless, që domethënë mundësinë e lëvizjes nëpër aeroport pa ndërprerje. Në këtë rast, do të përdoret teknologjia për njohjen biometrike të fytyrës: nuk do të kërkohet pasaporta ose karta identitetit për të kaluar kontrollet, por vetëm fytyra.
Sipas Corriere, do të instalohen në terminale kamera me karakteristika biometrike seamless. Herën e parë do të jetë e nevojshme të aplikoni në kioskat e regjistrimit të dedikuar që shoqërojnë të dhënat biometrike në dokumentet tradicionale, pas së cilës mund të shkoni pa pasur nevojë të tregoni pasaportën ose ID tuaj, sepse ato do të përputhen në mënyrë autonome me fytyrën e udhëtarit .
Lajmet më të fundit kanë të bëjnë me kontrollet: nga viti 2020 Terminal 2 Malpensa do të jetë i pari në Itali pa operatorë në sportelet e kontrollit, të cilat të gjitha do të shndërrohen në sportele self-bag-drop. Cfarë do të thotë? Pasagjeri e realizon vetë check-in e tij nga shtëpia dhe arrin në aeroport për të etiketuar vetëm bagazhet e kargos dhe për ta vendosur atë në vendin e depozitimit. Në Malpensa janë planifikuar 21 stacione të këtij lloji, në Linate tetë. (Wired)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.