Italia nis dozat e treta të vaksinës edhe për 50-vjeçarët në ditët në vijim!
Ne duhet të mbështetemi edhe një herë në shkencë. Është e arsyeshme të mendohet se do të ketë një shtrirje të personave për të cilën do të sigurohet injektimi i dozës së tretë”.” Është e qartë se nëse do të isha përballë një zgjedhjeje midis shtrëngimit të masave kufizuese apo vendosjes së detyrimit të vaksinimit për disa kategori, mendoj se do të ishte më e saktë hipoteza e dytë.
Nuk mendoj se është e drejtë të vazhdohet që ata që janë vaksinuar të paguajnë ende me kufizime. Më duket një arsyetim i logjikshëm “. Është shprehur kështu nënsekretari i shtetit Andrea Costa që. “Sot një pakicë në Itali gëzon një sërë lirish falë shumicës dërrmuese të italianëve që janë të vaksinuar, duke i bërë të mbizotërojë ndjenjën e komunitetit – shpjegon ai – besoj se edhe shumë qytetarë e kanë bërë këtë me frikë, me shqetësim, por duke kuptuar se vaksinimi do të thotë t’i japësh perspektivë vendit”.
Zgjatja e gjendjes së jashtëzakonshme “do të jetë një vlerësim që do të bëjmë në fund të vitit mbi bazën e tablosë epidemiologjike dhe të infeksioneve”, nënvizon Costa. “Ajo që i intereson qytetarëve nuk është gjendja e jashtëzakonshme, e cila na lejon të menaxhojmë në mënyrë më të shkathët dhe nuk ka ndikim të drejtpërdrejtë tek qytetarët, por masat kufizuese”.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.