Italia nis ‘eksperimentin’, trena me hidrogjen për 11 rajone
Lombardia, Puglia, Sicilia, Abruzzo, Calabria e Umbria. Këto janë rajonet e përcaktuara për të nisur “eksperimentin” italian të hidrogjenit për transportin hekurudhor. Bëhet fjalë për rajone që karakterizohen nga një trafik i madh pasagjerësh, me një përdorim të madh të trenave me lëndë djegëse në kushtet kur linjat hekurudhore nuk janë elektrifikuar.
Kësaj liste, shpejt, mund t’i bashkëngjitet edhe Sardenja, e cila aktualisht të gjithë sistemin hekurudhor nuk e ka të elektrifikuar. Po ashtu, edhe Piemonte, Lacio, Toskana dhe Emilia-Romagna, për të arritur në një total prej 11 rajonesh.
Në Itali, 1/10 e rrjetit hekurudhor funksionon me lëndë djegëse dhe në disa rajone italiane trenat janë vjetruar dhe duhen zëvëndësuar në vitet e ardhshme, duke e bërë këtë një moment të përshtatshëm për të kaluar në përdorimin e hidrogjenit, veçanërisht ku elektrifikimi i linjave nuk është teknikisht i realizueshëm apo konkurrues.
Duke qenë se aktualisht në Itali nuk ekzistojnë stacione furnizimi me hidrogjen për trenat, kjo nënkupton se në këtë rast do të kemi të bëjmë me një projekt terësisht të ri dhe sfidues. Do të kërkohet kohë dhe financime të përshtatshmë, mbi të gjitha shtetërore.
Burimi: Ilsole24ore/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.