Izraeli dhe Emiratet e Bashkuara Arabe bëjnë një marrëveshje historike për të normalizuar marrëdhëniet
Izraeli dhe Emiratet e Bashkuara Arabe kanë arritur një marrëveshje për të normalizuar marrëdhëniet. Izraeli ka rënë dakord të pezullojë planet e tij të diskutueshme për të aneksuar pjesë të Bregut Perëndimor të okupuar.
Në një deklaratë të befasishme të Presidentit amerikan Donald Trump, i cili ndihmoi si ndërmjetësues, vendet e quajtën marrëveshjen “historike” dhe një përparim drejt paqes.
Deri më tani Izraeli nuk ka pasur marrëdhënie diplomatike me vendet arabe të Gjirit.
Por shqetësimet e përbashkëta për Iranin kanë çuar në kontakte jozyrtare midis tyre.
Udhëheqësit palestinezë u gjendën në befasi nga kjo marrëveshje. Një zëdhënës për Presidentin Mahmoud Abbas tha se marrëveshja ishte “tradhti” dhe ambasadori palestinez në Emiratet e Bashkuara Arabe po tërhiqej.
Presidenti Trump e quajti marrëveshjen midis kryeministrit Netanyahu dhe Princit të Kurorës së Abu Dhabi Mohammed Al Nahyan “një moment me të vërtetë historik”. Ajo shënon piëkrisht marrëveshjen e tretë të paqes Izrael-Arabi që nga shpallja e pavarësisë së Izraelit në 1948, pas Egjiptit dhe Jordanisë.
“Tani që akulli është thyer unë pres që më shumë vende arabe dhe myslimane të ndjekin Emiratet e Bashkuara Arabe,” u tha ai gazetarëve në Zyrën Ovale, duke thënë se do të ketë një ceremoni nënshkrimi në Shtëpinë e Bardhë gjatë javëve të ardhshme.
Më parë, në përgjigje të një njoftimi në Twitter të Presidentit Trump, Netanyahu shkruajti në Hebraisht: “Dita Historike”.(BBC)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.