Izraeli do të fillojë administrimin e dozës së katërt të vaksinës Covid-19!
Izraeli do të fillojë të përgatitet për të administruar dozën e katërt të vaksinës kundër COVID-19 për të mbrojtur njerëzit pasi varianti i Omicron shumë i transmetueshëm po vazhdon të përhapet me ritme të shpejta.
Lëvizja u rekomandua nga një panel këshillues qeveritar i ekspertëve shëndetësorë. Kryeministri Naftali Bennett vlerësoi vendimin e së martës dhe tha se ai kishte udhëzuar tashmë zyrtarët shëndetësorë që të fillonin përgatitjet.
Njerëzit të cilët janë mbi 60 vjeç dhe punonjësit e kujdesit shëndetësor do të jenë të parët që kualifikohen për të marrë dozën e katërt, por fushata mund të përfshijë shpejt segmente të tjera të popullsisë.
Zyra e Bennett tha se fushata, e cila ende kërkon miratime burokratike, pritet të fillojë në ditët në vijim. Izraeli ishte një nga vendet e para që vaksinoi popullsinë e tij në fillim të këtij viti dhe më pas kreu fushatën e parë përforcuese në botë gjatë verës.
Rreth 63% e popullsisë së vendit është plotësisht e vaksinuar dhe 45% kanë marrë një vaksinë përforcuese, sipas shifrave zyrtare.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.