Izraeli do të informojë përsëri botën! – Ekspertët amerikanë kërkojnë të dhëna për dozat e treta
Izraeli do të ofrojë këtë muaj të dhëna nga fushata e dozave të treta të vaksinës së Covid tek Administrata e Barnave në SHBA, që po vlerëson planet e Shtëpisë së Bardhë për të nisur injektimin e dozave nxitëse. Sharon Alroy-Preis, shefja e shëndetit publik tek ministria e Shëndetësisë në Izrael, tha se ministrisë i është bërë kërkesë nga Administrata e Barnave në SHBA, që të informojë panelin e këshilluesve në një takim më 17 Shtator.
“Na është kërkuar që të prezantojmë eksperiencën e Izraelit dhe të dhënat tona, në mënyrë që të ndihmojmë botën të mësojë”- tha ajo. Një javë më parë, Izraeli nisi të ofrojë dozat e treta nxitëse të Pfizer 12-vjeçarët, pjesë e fushatës së gjerë që nisi në Korrik. Sipas autoriteteve, kjo iniciativë ka ngadalësuar rritjen e sëmundjes së ashpër të shkaktuar nga varianti Delta. Ministria ka bërë të ditur se efektshmëria e dozës së dytë të vaksinës së Pfizer zbehet pas 5 muajve të administrimit, duke e bërë të nevojshëm dozën e tretë nxitëse.
Deri më tani 2.6 milionë njerëz nga popullsia prej 9.3 milionë e izraelit, kanë marrë 3 doza të vaksinës së Pfizer. Presidenti amerikan, Joe Biden, pritej të niste fushatën e administrimit të 100 milionë dozave të treta më 20 Shtator, por prodhuesit e tjerë të vaksinave, përveç Pfizer, kanë mbetur mbrapa në procedurën e autorizimit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.