Izraeli do të lejojë turistët e huaj. Një grup i limituar i vizitorëve të vaksinuar duke nisur nga Maji

Izraeli do nisë të lejojë hyrje të limituar të turistëve të vaksinuar në muajin e ardhshëm, ndërkohë që fushata e vaksinimit ka ulur ndjeshëm numrin e infeksioneve.  Rikthimi i të huajve pasi Izraeli mbylli kufijtë në kulm të pandemisë në Mars 2020, pritet të nxisë ekonominë e vendit, që u tkurr me 2.5% në vitin 2020 dhe gjunjëzoi sektorin e turizmit. Norma e papunësisë në Izrael është rritur në rreth 10%.  Të gjithë vizitorëve të huaj do t’i kërkohet të kenë një test negativ PCR përpara se të fluturojnë drejt vendit, si dhe një test serologjik për të vërtetuar vaksinimin, kur të mbërrijnë në Aeroportin Ben-Gurion pranë Tel Avivit.  Në një fazë më të vonë, grupi i lejuar do të zgjerohet duke përfshirë udhëtues individual, pasi ministria e Shëndetësisë të caktojë afatin.

Një nga mjetet që do lejojë këtë rikthim të turistëve në Irzael, është një laborator i testimit në aeroport, sipas Yoram Keness, një mikrobiolog tek Omega Izrael, kompania që operon laboratorin.  Izraeli nisi të rihapë ekonominë një muaj më parë, pas një programi rekord të vaksinimit, ku rreth 5 milionë nga popullsia prej 9.3 milionë ka marrë 2 doza.  Aktualisht janë 3,369 raste aktive me Covid-19 dhe infeksionet ditore kanë rënë në rreth 200.  Javën e kaluar, pas kritikave publike, qeveria nisi të lejojë jo-izraelitët apo familjarët që të vizitojnë vendin në evente si dasmat.  Ministria e Turizmit derklaroi se pas një shifre rekord prej 4.55 milionë turistë në vitin 2019,  vetëm 832,000 kanë vizituar në 2020-n, kryesisht në Janar dhe Shkurt, ç’ka solli një humbje prej 5.3 miliardë dollarë në të ardhura.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.