Izraeli është vendi i parë në botë që miraton administrimin e dozës së 3-të të vaksinës Pfizer për personat mbi 60 vjeç
Izraeli është vendi i parë që miratoi administrimin e dozës së tretë të vaksinës Pfizer për popullatën mbi 60 vjeç. Kjo u njoftua nga kryeministri Naftali Bennett, duke theksuar se vendimi u mor nga një ekip ekspertësh “pas analizave dhe kërkimeve të kujdesshme”. Kushdo që është 60 vjeç dhe tashmë ka marrë dozën e dytë të vaksinës së Pfizer-Biontech për të paktën pesë muaj do të jetë në gjendje të marrë dozën “përforcuese”.
Çështja e dozës së tretë të vaksinës është e diskutueshme: deri më tani ajo nuk është miratuar as nga Europa dhe as nga SHBA, pasi studimet shkencore nuk tregojnë qartë efikasitetin ose domosdoshmërinë e saj. Studimet e kryera në Izrael sugjerojnë që mbrojtja kundër formave të rënda të Covid tashmë ka rënë në 90% për ata që u imunizuan në janar, dhe se efikasiteti kundër infeksioneve të vogla ka rënë deri në 39%.
Sidoqoftë, vetë Pfizer në vend të kësaj ka publikuar një studim paraprak (i pa verifikuar ende në rishikimin e kolegëve, d.m.th. ende nuk i është nënshtruar rishikimit nga komuniteti shkencor) i cili përfshiu 44,000 njerëz, duke konfirmuar se mbrojtja kundër formave të rënda të Covid do të mbetet e lartë (rreth 97% ) edhe pas gjashtë muajsh, ndërsa deri në 84% do të ishte ai kundër formave simptomatike jo serioze.
Është e pamundur të mposhtësh një pandemi duke menduar të vaksinosh vetëm Botën e Parë dhe duke lënë mënjanë të tretën: përveçse është jashtëzakonisht egoiste, është gjithashtu kundërproduktive. Në një botë të globalizuar, virusi udhëton shpejt (jo më kot filloi nga Kina dhe u përhap kudo), dhe derisa shumica e banorëve të Tokës të vaksinohen, ne nuk do të jemi në gjendje të kthehemi në jetë si më parë.
Kjo është ajo që OBSH gjithashtu kujtoi, duke ftuar vendet më të pasura që të dhurojnë dozat e tyre të vaksinës tek ato më të varfrit, ku fushata e vaksinimit po përpiqet të fillojë, dhe duke shmangur “humbjen” duke administruar një dozë të tretë që ende nuk dihet me siguri nëse është apo jo e nevojshme. “Nëse ndihmon, ne do të jemi të parët që do ta rekomandojmë,” tha Soumya Swaminathan, duke theksuar, jo pa asnjë diskutim, se “kjo këshillë duhet të bazohet në prova dhe të dhëna shkencore, dhe jo në deklarata të bëra nga kompani individuale që pohon se tani është koha e duhur për të administruar një dozë përforcimi. ‘ (Focus)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.