Izraeli miraton dozën e katërt të vaksinës – Do t’u ofrohet fillimisht vetëm personave me sistem imunitar të cënuar
Izraeli do të vazhdojë me administrimin e dozës së katërt të vaksinës së Covid-19, apo dozën e dytë nxitëse, për njerëzit me sistem imunitar të cënuar, sipas autoriteteve shëndetësore. Një spital në Izrael administroi dozën e katërt tek një grup i testimit i përbërë nga punonjës shëndetësor, në atë që e quajti studimin e parë të madh mbi nevojën e dozave të dyta nxitëse, për të frenuar variantin Omicron. Rezultatet priten brenda 2 javëve.
Izraeli ishte vendi më i shpejtë në prezantimin e vaksinave fillestare 1 vit më parë dhe u bë një nga të parët në nisjen e programit të dozave të treta nxitëse, pasi vrojtoi se imuniteti zbehet me kalimin e kohës. Një panel i ekspertëve tek Ministria e Shëndetësisë, nxitur nga shqetësimet mbi përhapjen e shpejt të variantit Omicron, rekomandoi javën e kaluar që Izraeli të ofrojë një dozë të katërt të vaksinës së Pfizer-BioNTech tek punonjësit mjekësorë, ata në moshë 60-vjec e sipër apo tek njerëzit me sistem imunitar të cënuar.
Megjithatë, drejtori i përgjithshëm i Ministrisë, Nachman Ach, miratimi i të cilit duhet për të nisur fushatën e re, nuk lajmëroi menjëherë një vendim, ndërkohë që disa ekspertë argumentojnë se nuk ka ende të dhëna të mjaftueshme shkencore për të justifikuar dozat e katërta. Në një konferencë për media, Ash tha se ka vendosur se një dozë e dytë përforcuese do të ofrohet vetëm tek personat me sistem imunitar të kompromentuar për momentin dhe se po vlerëson nëse do të duhet të zgjerohet përshtathsmëria për injeksionin. Ndër personat me sistem imunitar të cënuar janë ata që trajtohen nga kanceri, kanë bërë transplant organesh, apo kanë sëmundje kronike.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.