Izraeli zgjat ndalimin e hyrjes për të huajt ndërsa dhuron 1 milion vaksina për vendet e varfra!
Izraeli, në masat e kontrollit të Omicron, zgjati ndalimin e hyrjes në vend për të huajt deri në mesnatën e 29 dhjetorit. Ai gjithashtu konfirmoi Britaninë e Madhe dhe Danimarkën si ‘vendet e kuqe’.
Ministria e Shëndetësisë ka shtuar në “listën e kuqe”: Francën, Spanjën, Irlandën, Norvegjinë, Finlandën, Suedinë dhe Emiratet e Bashkuara Arabe. Është e mundur – sipas mediave – që SHBA të futet së shpejti në listën e ‘kuqe’ gjithashtu.
Sipas rregullave aktuale, për izraelitët që kthehen nga këto vende – edhe ata të vaksinuar -u kërkohet një test molekular para nisjes dhe pas mbërritjes dhe një karantinë 7-ditore.
Ndërkaq Izraeli ka dhuruar 1 milion doza të vaksinës kundër Covid në një duzinë vendesh afrikane përmes programit Covax të OKB-së.
Ministria e Jashtme ka njoftuar se produktet AstraZeneca do të transferohen në javët në vijim, në kuadër të forcimit të marrëdhënieve mes Izraelit dhe vendeve afrikane. Ndër vendet afrikane me të cilat Izraeli ka marrëdhënie të ngushta janë Kenia, Uganda, Ruanda dhe, që nga viti i kaluar, Sudani.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.