Ja çfarë duhet të bëni kur sëmureni gjatë një udhëtimi

Nëse mendoni që gjëja më e keqe kur shkoni në një udhëtim është humbja e avionit apo ajo e bagazheve, e keni shumë gabim. Ajo më e keqja që mund t’ju ndodhë gjatë një aventure udhëtimi është të sëmureni. Fluturimi mund të rimbursohet dhe gjërat personale të zëvendësohen, por mirëqenia juaj është ajo që mbetet më kryesorja.

Këtu janë disa këshilla që do t’ju paraqesim në rast se do të sëmureni në një udhëtim jashtë vendit.

1. Bëni sigurimin e plotë të shëndetit

Gjithmonë kur ndërmerrni një udhëtim jashtë vendit do të ishte mirë të bënit një sigurim të plotë të shëndetit. Kjo vlen pasi një sigurim i thjeshtë nuk mundëson mbulimin e të gjitha problemeve shëndetësore.  Përpiquni t’i shikoni mirë të gjitha udhëzimet e sigurimit të plotë të shëndetit, për të parë nëse ju mundëson një trajtim mjekësor të gjerë.

2. Mos prisni! Shikoni simptomat e gripit

Udhëtimi gjatë sezoni të gripit ju bën më të prirur për sëmundjet infektive apo ato që ju shkaktojnë lodhje dhe ethe. Është e rëndësishme të shkoni sa më shpejtë tek një mjek për të diagnostikuar simptomat që ju keni.

“Nëse është vetëm grip mjekimi mund të jepet shpejtë në mënyrë që sëmundja të zvogëlojë kohëzgjatjen e simptomave.” Ka shprehur Dr. Natasha Hochberg, drejtuese e qendrave mjekësore të udhëtimit.

3. Gjeni Klinikën e Duhur

Gjetja e një mjeku jashtë vendit nuk është një vështirësi shumë e madhe. Dr. Hochberg rekomandon faqen e internetit të Shoqërisë Ndërkombëtare të Mjekësisë së Udhëtimit, e cila është shtëpia e një Drejtorie të Klinikës së Udhëtimit Global që liston klinikat sipas vendit në bazë të llojit të kujdesit që ato ofrojnë, gjuhët që flasin mjekët dhe vendndodhjen e tyre.

Udhëtarët pa akses në internet mund ta telefonojnë ambasadën e destinacionit që kanë shkuar për t’ju ofruar këtë shërbim, prandaj mos harroni të ruani numrat e telefonit të nevojshëm të Departamentit të Shtetit në telefonin tuaj para se të udhëtoni.

4. Shikoni gjendjen tuaj

Pasi të jeni diagnostikuar, është e rëndësishme të kesh këshillën e mjekut dhe të shikoni gjendjen e trupit tuaj. Mund të jeni të tunduar që të bëni gjithçka që keni planifikuar, veçanërisht kur ju keni planifikuar të shijoni në maksimum aventurën që keni zgjedhur. Keni kujdes, pasi gjendja juaj nuk mund t’ju lejoj të merrni përsipër ecje të mëdha.

5. Njoftoni mjekun tuaj kur të arrini në shtëpi

Është tepër e rëndësishme që pasi të jeni kthyer nga udhëtimi të telefononi mjekun tuaj. Ai duhet të dijë gjithçka mbi eksperiencën tuaj të udhëtimit pasi mund t’ju sugjeroj një trajtim më të specializuar.

Ylber Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.