Ja cilat janë karakteristikat e grave të suksesshme sipërmarrëse

Kanë një qëndrim pozitiv

Një qëndrim pozitiv është një nga faktorët kryesorë që ndikojnë në kthimin e ideve në programe praktike dhe më pas vënien e tyre në zbatim. Sipërmarrja është një detyrë e vështirë dhe nëse qëndrimet negative mbizotërojnë në mendje, përpjekjet do të ndalen në rastin e përballjes me pengesat e para. Mbajeni mendjen nën mbikëqyrje dhe mos lejoni që mendimet negative të dobësojnë moralin tuaj. Të jesh realist është e domosdoshme. Megjithatë, vëzhgimi i pengesave është shumë më i ndryshëm nga qëndrimi negativ.

Kapërcejnë pengesat

Studimet tregojnë se rreth 70 për qind e kompanive të reja të Shteteve të Bashkuara shpërbëhen brenda 3 viteve të para të aktivitetit të tyre. Megjithatë, shkalla e kompanive të falimentuara që janë themeluar nga gratë është më e ulët se mesatarja. Gratë mund t’i kthejnë kërcënimet në mundësi për kompaninë.

Kanë vetëbesim të lartë
Të jesh i fuqishëm dhe i sigurt, nuk do të thotë të jesh agresiv dhe i guximshëm. Përkundrazi, vetë-besimi dhe fuqia nënkuptojnë krijimtarinë dhe lëvizjen në rrugën e drejtë. Kur individi ka një imazh pozitiv të vetes dhe është përgjegjës, ka një ndjenjë më të fortë të sipërmarrjes dhe të tjerët do të bashkëpunojnë me të në një mënyrë më të sigurt. Statistikat tregojnë se në mesin e burrave dhe grave sipërmarrëse, rreth 45 dhe 51 për qind posedojnë përkatësisht këtë karakteristikë.

Arrijnë të balancojnë punën dhe jetën personale

Edhe pse gratë zakonisht janë përgjegjëse për jetën e tyre private dhe familjare, ato që mund të balancojnë jetën dhe punën, kanë tendencë të jenë më të suksesshme. Një jetë e ekuilibruar e ndihmon mendjen për ide kreative. Në vendet anëtare të avancuara të Organizatës për Zhvillim dhe Bashkëpunim, statistikat tregojnë se gratë sipërmarrëse që kanë përgjegjësi familjare janë më të suksesshme. Ky faktor është karakteristikë e grave sepse ato janë më me ndikim në familjet e tyre sesa meshkujt.

Kanë qëllime afatgjata

Rezistenca më e lartë ndodh shpesh përpara një dështimi. Kujdesi dhe maturia janë ndër karakteristikat e veçanta të sipërmarrësve të gruas. Për shkak të vizionit afatgjatë të grave në përballimin e problemeve, rezistenca e tyre ndaj dështimit është më e lartë në to. Megjithatë, kujdesi nuk bën pengesa për gratë e suksesshme që të ndërmarrin hapin tjetër. Edhe pse në mbarë botën numri i sipërmarrësve të gruas është më i ulët se ai i burrave, por të gjitha gjërat janë të barabarta, niveli i tyre i suksesit është më i lartë.

Janë precize
Zbulimi i nevojave të paplotësuara është çelësi i prodhimit të suksesshëm. Gratë, për shkak të vigjilencës dhe saktësisë së tyre, janë më të afta se burrat në njohjen e nevojave. Nga ana tjetër, statistikat tregojnë se pothuajse në të gjitha vendet mesatarja e njohurive ekonomike të grave është më e lartë se ajo e meshkujve. Prandaj ato kanë një pamje më të qartë të nevojave të tregjeve dhe prodhimet e tyre mund të plotësojnë nevojat e tregut.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.