Ja kush janë 7 anëtarët e Komisionit të Vlerësimit të Masave për Importet
Qeveria ka emëruar anëtarët e Komisionit të Vlerësimit të Masave për Importet. Tashmë pjesë përbërëse e këtij komisioni, i cili shqyrton masat antidumping, masat kundërbalancuese dhe masat mbrojtëse për importet do të jenë anëtarët si më poshtë:
- Milva Ekonomi, Ministre e Zhvillimit Ekonomik, Turizmit, Tregtisë dhe Sipërmarrjes;
- Ardian Maçi, drejtor i Përgjithshëm në Ministrinë e Zhvillimit Ekonomik, Turizmit, Tregtisë dhe Sipërmarrjes;
- Sajmir Laçej, drejtor në Ministrinë e Financave;
- Flamur Laze, drejtor i Përgjithshëm në Ministrinë e Bujqësisë, Zhvillimit Rural dhe Administrimit të Ujërave;
- Silvana Leskaj, përgjegjëse sektori në Ministrinë e Punëve të Jashtme;
- Ines Muçostepa, kryetare e Bashkimit të Dhomave të Tregtisë dhe Industrisë së Shqipërisë;
- Mirela Meko, zëvendësdrejtoreshë në Drejtorinë e Përgjithshme të Doganave.
Sipas njoftimit të Këshillit të Ministrave, anëtarët janë me profesione kryesisht juristë dhe ekonomistë.
Ministria e Zhvillimit Ekonomik, Turizmit, Tregtisë dhe Sipërmarrjes ngarkohet tani me zbatimin e këtij vendimi. Në mbledhjen e parë, shtatë anëtarët e komisionit do të nënshkruajnë një deklaratë për paanësinë e tyre në ushtrimin e këtij funksioni.
Komisioni ka të drejtë të shqyrtojë kërkesat e palëve për fillimin e hetimeve dhe marrjen ose jo të masave të përkohshme, gjatë kohës së hetimit dhe marrjen e masave përfundimtare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.