Ja sa paguhen atletët e Lojërave Olimpike në vende të ndryshme të botës
Lojërat Olimpike Dimërore 2018 në Pyeongchang u erdhi fundi këtë të dielë. Gjatë dy javëve të fundit, qindra medalje janë dhënë për atletët nga e gjithë bota, por disa nga fituesit po sjellin në shtëpi edhe ‘bonuse’ të tjera.
Komiteti Olimpik Ndërkombëtar nuk jep para, por shumë vende i shpërblejnë medalistët e tyre me një shumë parash.
Për shembull, olimpistët e SHBA fituan 37,500$ për secilën medalje të artë fituese këtë vit, 22,500$ për çdo argjend dhe 15,000$ për çdo bronz. Në sportet ku luhet në ekip, shuma ndahet në mënyrë të barabartë mes anëtarëve.
Në Singapor, fituesit e medaljes së arit marrin në shtëpi 1 milion dollarë. Medalistët e argjendtë fitojnë një shumë prej 500,000$ dhe medalistët e bronzit marrin 250,000$. Në Lojërat e 2018-ës, kishte vetëm një atlet nga Singapori i cili mund të përfitonte nga bonuset e mëdha.
Fituesit gjithashtu sjellin në shtëpi medaljen e vërtetë.
Medalja e artë e këtij viti peshon 586 gram dhe ka një vlerë prej rreth 570 dollarë, vlerëson Forbes bazuar në çmimin e arit dhe argjendit. Ndërsa quhet medalja e artë, ajo është teknikisht një medalje argjendi e veshur me ar; vetëm gjashtë gram medalje është prej ari. Nëse do të ishte bërë tërësisht prej ari, vlera e saj do të ishte rreth 25,000 dollarë.
Medalja e argjendtë peshon 580 gram dhe ka një vlerë prej rreth 313 dollarë.
Pavarësisht çmimit të medaljes, prestigji që vjen nga konkurrimi për vendin tuaj në skenën olimpike është i paçmueshëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.