Jamal Khashoggi është droguar para se të mbytej me një qese plastike, sipas një raporti të ri të OKB-së për vrasjen e gazetarit saudit
Jamal Khashoggi është injektuar me një lloj droge qetësuese më pas është mbytur, referuar hetimit të ri të bërë nga OKB-ja.
Informacionet vijnë nga një raport i botuar të mërkurën nga investiguesi special i OKB-së, Agnes Callamard, i cili udhëhoqi hetimin për vrasjen e Khashoggi-t dhe iu dha qasje në CCTV dhe audio nga autoritetet turke, saudite dhe amerikane.
Në audiot e nxjerra Callamard ka gjetur një bisedim të bërë midis Khashoggi-t dhe një punonjësi në konsullatën saudite ne datën 2 tetor të vitit të kaluar ku Khashoggi është shprehur: “Ka një peshqir këtu, a do të më japësh drogë?” ndërsa punonjësi i është përgjigjur “ Do të bëj anestezinë”.
Metoda e vrasjes së Khashoggi-t kanë qenë ende të paqarta. Disa raporte përmendin rrahjen me grushte, asfiksimin deri në ndarjen e tij në copa.
Raporti me 107 faqe i OKB-së gjithashtu pohon se ka “dëshmi të besueshme” për të hetuar princin mbretëror saudit Mohammed bin Salman lidhur me përfshirjen e tij të mundshme në vrasje.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.