Janari, famëkeq për kritpovalutat – Rënia e madhe e Bitcoin ka “fshirë” 44 miliardë dollarë gjatë muajit

Bitcoin po vërteton se kriptovalutat mund ta fshijnë vlerën e tyre me të njëjtin ritëm që e krijojnë.  Rënia famëkeqe e muajit Janar, fshiu 44.2 miliardë dollarë nga 200 miliardë në vlerë tregu të gjeneruar gjatë vitit të kaluar, që është humbja më e madhe mujore e matur në dollarë, në historikun e shkurtër të aktiveve dixhitale.

Analistët thonë se kur bëhet fjala për aktive të rrezikshme dhe që kanë humbur më shumë se 50% të vlerës, rënia do të vazhdojë.  Kjo mund të vendosë nën rrezik investitorët që joshen nga rënia dhe blejnë përsëri.  Që kur arriti majën në 20,000 dollarë herët gjatë Dhjetorit, kur u prezantuan dhe kontratat futures në bursa të rregulluara në Shtetet e Bashkuara, një serë lajmesh negative kanë goditur Bitcoin dhe kritpovalutat e tjera, duke sjellë humbje të mëdha që prej fillimit të 2018-ës.

Një vjedhje prej 500 milionë dollarë të monedhave alternative (jo-Bitcoin), në bursën në Tokjo, Coincheck, më datë 26 Janar, shtoi presionet te rregullatorët për të hetuar praktikat e bizneseve brenda kësaj industrie të parregulluar.  Sipas analistëve, Bitcoin pritet të bjerë më tej në 5,000 – 6,000 dollarë, përpara se të nisë rimëkëmbja në rreth 10,000- 15,000 dollarë.  Rrugëtimi do të jetë i vështirë, ndërkohë që autoritetet globale po rrisin mbikëqyrjen e industrisë së kriptovalutave.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.