Japonia do të dërgojë një Robot në Hënë – Si do të ndihmojë ai në kthimin e astronautëve në Tokë!?
Rover tjetër që do të ulet në Hënë mund të jetë shumë i ngjashëm me protagonistët e robotëve Transformer të mangës homonime. JAXA, agjencia japoneze e hapësirës, u ka kërkuar disa ndërmarrjeve dhe institucioneve kërkimore që të bëjnë një robot të vogël që do të dërgohet në satelitin tonë për të eksploruar sipërfaqen e tij dhe për të kontrolluar kushtet e tokës. Objektivi i misionit: të mbledhë të dhëna dhe informacione të dobishme për hartimin e një baze të ardhshme hënore të banuar.
Studiuesit nga Universiteti Doshisa, Sony Corporation dhe madje edhe Tomy Company, një prodhues lodrash, janë të përfshirë në projekt. Kërkesa e JAXA është që të shfrytëzojë maksimalisht teknologjitë dhe të zhvillojë një robot që, në nisje, është i vogël dhe i lehtë. Agjencia u kërkoi bashkëpunëtorëve të saj të punonin në një sferë me diametër 8 centimetra dhe me peshë jo më shumë se 250 gram.
Rezultati ishte projekti i një roboti sferik, i cili pasi të zbarkojë në Hënë do ndahet në dy hemisfera të bashkuara së bashku nga një bosht. Të dy gjysmat bëhen kështu rrotat e roverit të vogël i cili do të ketë si objektiv kryesor të provojë regolitin, pluhurin shumë të imët që mbulon tokën hënore dhe të mbledhë informacione të dobishme për hartimin e një rover më të madh, mbase të udhëhequr nga një astronaut human.
Transformatori i vogël do të mbledhë mostrat e tokës, do të kryejë analiza dhe do të marrë fotografi: të gjitha të dhënat do të transmetohen në lander (anija që u ul në hënë) që e çoi atë në hënë dhe prej andej për të kontrolluar misionin në Tokë. JAXA dhe qeveria japoneze e kanë bërë të qartë disa herë se ata nuk duan të përjashtohen nga një stacion hënor hipotetik, i ardhshëm, ndërkombëtar. Për këtë arsye, projekti minilander po vazhdon me një hap të shpejtë dhe agjencia hapësinore planifikon ta dërgojë atë në satelitin tonë tashmë në fund të vitit 2022. (Focus)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.