Japonia me stimuj ekonomikë – Kryeministri çon vendin në zgjedhje muajin e ardhshëm

Kryeministri i Japonisë, Shinzo Abe urdhëroi kabinetin e tij ditën e hënë për të prezantuar një masë të re të stimujve ekonomikë,  në një paketë që vlen rreth 2 trilionë jen apo 17.8 miliardë dollarë, deri në fund të këtij viti.

Në një takim me panelin e tij këshillues,  Abe tha se paketa duhet të përqendrohet në subvencionimin e edukimit, kujdesit të fëmijëve dhe nxitjen e investimeve të korporatave për të përmirësuar produktivitetin.

Shinzo Abe bëri thirrje për zgjedhje të parakohshme, duke paralajmëruar shpërndarjen e Parlamentit ditën e Enjte. Qëllimi i tij është marrja e një mandati të ri për të ashpërsuar qëndrimin kundër Koresë së Veriut dhe për të ribalancuar sistemin e sigurisë sociale.

“Do të tregoj një lidership të forte për t’i bërë ballë një krize kombëtare”, tha Abe duke përmendur popullsinë në plakje të shpejtë të Japonisë dhe Korenë e Veriut.

Kryeministri po përfiton nga rritja e vlerësimeve për të dhe trazirat në partitë opozitare dhe paketa e stimujve mund të tërheqë votuesit.

Abe hodhi poshtë kritikat se zhvillimi i zgjedhjeve do të krijojë një boshllëk politik në një kohë të rritjes së tensioneve me Korenë e Veriut.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.