Java e BQE – Takimi në 25 Janar, por nuk priten të reja
Ekonomistët presin që, Banka Qendrore Europiane të ndalojë së printuari para brenda këtij viti. Por ndërkohë presin që vendimi për t`i dhënë fund lehtësimit sasior në shkallë të gjerë të vijë shumë më shpejt së fundi i viti. Kjo, pasi rajoni e ka marrë veten, rritja ekonomike duket e qendrueshme ndërkohë që norma e inflacionit është rimëkëmbur.
Debati mbi ndërhyrjen e bankës qendrore tashmë ka kaluar në fazën se kur duhet të vijë ndërhyrja. Madje, tashmë, një pjesë e madhe e analistëve janë të bindur se, Banka Qendrore Europiane nuk duhet të kishte injektuar kurrë kaq shumë stimuj monetarë në sistem.
Takimi i fundit i bankës, në muajin Dhjetor, tregoi se, do të ketë një ndryshim të komunikimin e institucionit në muajt e parë të 2018-ës, çka përkthehet në një sinjalizim të qartë të kohës së ndërhyrjes. Takimi i radhës është këtë javë, por ekonomistët janë të bindur se çdo gjë do të ndodhë pas 25 janarit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.