Java e tretë e janarit ende pa vaksina/ Kryeministri Rama shpjegon vonesën: “Pfizer ka ndezur debat në gjithë Europën”
Ndonëse këtë javë pritej që në Shqipëri të vinte sasia e parë prej 10.700 vaksinash anti Covid të kompanisë Pfizer duekt se afati është shtyrë.Kryeministri Rama në një konferencë për media është shprehur se kjo shtyrje në fakt nuk është vetëm për Shqipërinë por për shumë vende të BE-së.
Kompania “Pfizer” ka paralajmëruar një vonesë në shpërndarjen e vaksinave të saj në Evropë për shkak të përgatitjeve për rritjen e kapaciteteve prodhuese në një njoftim të vetë kompanisë disa ditë më parë.
“Pfizer ka ndezur zjarr polemikën me shumë shtete të BE duke thënë se do ta shtyjë për një javë procesin e dorëzimit të dozave të kontraktuar. Si t’ja bëjmë tani?” ka thënë Rama.
Ndërkohë në vendin tonë vaksinimi ka nisur dhe shumë mjekë e infermierë kanë marrë dozën e parë të vaksinës e cila u dhurua nga një vend mik i Shqipërisë. 30 250 doza të tjera pritet të vijën në shkurt e të tjerat me radhë, muaj pas muaji, në bazë të planit të vaksinimit.
Parlamenti shqiptar miratoi një ditë më parë edhe akt marrëveshjen sekrete për mbërritjen e vaksinave Pfizer në vendin tonë. Po kështu këtë javë pritet edhe një përgjigje në lidhje me porosinë prej 1.1 milionë doza vaksine të paguara nga qeveria shqiptare pranë programit Covax.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.