Java në tregje – SHBA do të publikojë të dhëna me peshë për investitorët

Pas publikimit të të dhënave më të fundit të tregut  për tregun e punës, java që vjen do të jetë e mbushur me të dhëna të tjera që pritet t`i japin investitorëve një panoramë më të qartë të drejtimit që po merr ekonomia më e madhe e botës.

Gjatë javës pritet kështu të publikohen të dhëna mbi shitjet me pakicë, prodhimin industrial, apo çmimet e konsumit gjatë muajit prill, kur thuajse i gjithë vendi ka qenë në izolim total. Këto të dhëna do të tregojnë gjithashtu nëse rritja e tregjeve gjatë javës së fundit  ka qenë e ekzagjëruar apo e justifikuar, duke bërë që për investitorët të kenë interes të lartë.

Ekspertët deklarojnë se të dhënat ekonomike janë kthyer tashmë në fokusin kryesor të investitorëve dhe përjashtim nuk pritet të bëjnë as të dhënat e prillit. Shifrat që do të tregojnë shitjet me pakicë dhe prodhimin industrial do të publikohen ditën e premte, dhe ekspertët presin një rënie me rreth 10%, më shumë se rënia e marsit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.