Java në tregje/Në fokus, rezultati i zgjedhje në Francë dhe BOE

Në fokus të tregjeve gjatë javës do të jetë padiskutim rezultati i zgjedhjeve në Francë, pasi përcakton të ardhmen e Bashkimit Europian dhe të monedhës së përbashkët.

Fitorja e pritshme e Macron do të reflektohet në tregje si një shenjë e qartë se rreziqet politike në Europë po shpërbëhen, ndërkohë që një fitore surprizë e Marine le Pen përkthehet në një katastrofë për tregjet dhe Euron.

E gjithë rimëkëmbja ekonomike e Eurozonës dhe ecuria e rajonit bazohet në fitoren e Macron. Në rast se kjo nuk ndodh, projeksionet do të rishikoheshin tërësisht, duke shkaktuar një furtunë të vërtetë.

Gjatë javës nuk pritet asnjë e dhënë me peshë për Eurozonën. Vetëm në fund të javës pritet të publikohen të dhënat e industrisë për tremujorin e parë të vitit.

Ditën e Enjte ndërkohë do të mblidhet Banka e Anglisë, për të vendosur për politikat monetare.

Analistët nuk presin asnjë surprizë nga ky takim. Madje, shumëkush pret që deri në vitin 2019 mos të ketë asnjë ndërhyrje.

Ndër bankat më të mëdha qendrore në nivel global, vetëm Banka e Anglisë pritet gjatë javës.

Në Shtetet e Bashkuara ndërkohë, veç normës së inflacionit, ditën e premte, nuk priten të dhëna të tjera.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.