Java nis me rënie – Prodhuesit amerikanë rrisin aktivitetin

Çmimet e naftës u regjistruan në rënie gjatë orëve të para të sesionit të parë të kësaj jave, si pasojë e të dhënave të fundit që sinjalizojnë një rritje të aktivitetit të shpim-kërkimit në Shtetet e Bashkuara të Amerikës. Gjithsesi, tregtia në bursa e arit të zi gjatë së hënës do të jetë e kufizuar, për shkak të festave publike në Shtetet e Bashkuara, Kinë dhe Britani.

Në çelje të sesionit të sotëm, nafta brent e Londrës kuotohej pranë nivelit të 52.09 dollarëve për fuçi.

Ndërsa ajo bruto amerikane pranë 49.72 dollarëve për fuçi. Çmimet ranë ndjeshëm në fund të javës së kaluar si pasojë e vendimit të OPEC për të shtyrë me 9 dhe jo me 12 muaj marrëveshjen e shkurtimit të prodhimit. Ekspertët shprehen se tregu vijon të mbetet mjaft i dobët.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.